Fréttabréf mars 2015

Mars er stærðfræðimánauður á Undralandi. Við leikum okkur með form og tölur og notum fjölbreyttan efnivið og ólíkar leiðir til að kynnast hinum ýmsu hugtökum og formum sem tengjast stærðfræðinni og tölustöfunum. 

Við höldum áfram að syngja morgunsönginn og til að viðhalda áhuga barnanna verða einnig hljóðfæri í boði á föstudögum. Tónlistartímarnir hjá Vilborgu hafa skilað til okkar fjölbreyttum textum og lögum. Okkur hafa borist fyrirspurnir um að fá textana senda heim. 

Hér er einn skemmtilegur og fleiri koma í kjölfarið á heimasíðunni. 

Mamma Pakita:

Mamma Pakita, mamma pakita, 
mamma Pakita gefðu barninu papaya.
Þroskað papaya eða banana
þroskað papaya til að taka með sér heim.
Mamma mamma mamma Pakita, mamma Pakita
Mamma Pakita segir: ég á engan pening fyrir papaya eða banana.
Förum á karnival og dönsum fram á nótt.

Ný regla varðandi inniveru eftir veikindi barnanna. 

Eftir veikindi er í boði að hafa börnin inni í leikskólanum í 2 daga. Hinsvegar er nauðsynlegt að þau börn sem hafa vistun til 16:15 og eru inni vegna veikinda fari út milli 16 og 16:15 á þeim dögum sem skilað er úti, því fjöldi starfsmanna er takmarkaður í skilun og ekki hægt að binda einn starfsmann inni með eitt barn. 

Við viljum hvetja ykkur til að fylgjast með á facebook síðunni okkar. Þar setjum við inn myndir af starfinu og aðrar upplýsingar. 

Go to top